სიახლეები

 

2012 წლის იანვარ–მარტში, წინა წლის შესაბამის პერიოდთან შედარებით, საქართველოში  საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 17 პროცენტით მოიმატა და 2,244.3  მილიონი აშშ დოლარი შეადგინა. მათ შორის, რეგისტრირებული ექსპორტი 538.8 მილიონი დოლარი იყო, რეგისტრირებული იმპორტი კი 1,705.6 მილიონი დოლარი.

საქართველოს ეროვნული ბანკის მონაცემებით, 2012 წლის 31 მარტის მდგომარეობით, მთლიანი საერთაშორისო რეზერვების მოცულობამ 2,816.7 მილიონი აშშ დოლარი შეადგინა

საქართველოს ეროვნული ბანკის მონაცემებით, 2012 წლის მარტში, უცხოეთიდან წმინდა ელექტრონული ფულადი გზავნილების მოცულობამ 99.7 მილიონი აშშ დოლარი შეადგინა, რაც წინა თვის ანალოგიურ მაჩვენებელზე (88.8 მილიონი აშშ დოლარი) 12.3 მილიონი აშშ  დოლარით ანუ 10.9 პროცენტით მეტია.

2012 წლის იანვარ–თებერვალში, წინა წლის შესაბამის პერიოდთან შედარებით, საქართველოს საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 15 პროცენტით მოიმატა და 1,345.7  მილიონი აშშ დოლარი შეადგინა. მათ შორის, რეგისტრირებული ექსპორტი 307.3 მილიონი დოლარი იყო, რეგისტრირებული იმპორტი კი 1,038.4 მილიონი დოლარი.

საქართველოს სტატისტიკის ეროვნული სამსახურის წინასწარი მონაცემებით, 2011 წელს, წინა წლის მიმართ, რეალური მთლიანი შიდა პროდუქტი 7.0 პროცენტით გაიზარდა. ნომინალურ გამოხატულებაში მთლიანმა შიდა პროდუქტმა 24,229.1  მილიონი ლარი შეადგინა, მოსახლეობის ერთ სულზე გაანგარიშებით კი 5,421.4 ლარი, ანუ 745.7 ლარით მეტი წინა წელთან შედარებით.

საქართველოს ეროვნული ბანკის მონაცემებით, 2012 წლის თებერვალში, უცხოეთიდან წმინდა ელექტრონული ფულადი გზავნილების მოცულობამ 88.8 მილიონი აშშ დოლარი შეადგინა, რაც წინა თვის ანალოგიურ მაჩვენებელზე (77.55 მილიონი აშშ დოლარი) 11.2 მილიონი აშშ  დოლარით ანუ 14.5 პროცენტით მეტია, ხოლო 2011 წლის ანალოგიურ მაჩვენებელზე (72.9 მილიონი აშშ დოლარი) 15.9 მილიონი აშშ დოლარით ანუ  21.9  პროცენტით მეტი.

საქართველოს ეროვნული ბანკის მონაცემებით, 2012 წლის 29 თებერვლის მდგომარეობით, მთლიანი საერთაშორისო რეზერვების მოცულობამ 2,856.8 მილიონი აშშ დოლარი შეადგინა.

საქართველოს სტატისტიკის ეროვნული სამსახურის წინასწარი მონაცემების თანახმად, 2011 წელს საქართველოში განხორციელებული პირდაპირი უცხოური ინვესტიციების ოდენობამ 980.6 მილიონი აშშ დოლარი შეადგინა, ანუ წინა წელთან შედარებით 166.1 მილიონი დოლარით (20.4 პროცენტით) მეტი.